riviersonderend

Posts Tagged ‘tegnologie

Danksy iPad bly Noorweegse regering in beheer

with 3 comments

Tensy jy iewers in afsondering was die afgelope paar dae, sal jy weet dat daar algehele chaos in Europa is as gevolg van vulkaniese as wat van ‘n uitbarsting in Ysland afkomstig is.

CNN berig dat selfs leiers van lande geraak is:

The prime minister of Norway was among those stranded by the closure of European air space.

Jens Stoltenberg, who was in the United States for President Obama’s nuclear summit, is running the Norwegian government from the U.S. via his new iPad, his press secretary Sindre Fossum Beyer told CNN.

Die iPhone red mense in die Haïti aardbewing. Die iPad laat regerings staande bly.

Waarmee gaan Apple nie nog vorendag kom nie?!

Advertisements

Written by George Maru

15 April 2010 at 21:43

Posted in nuus

Tagged with , ,

Kalahari.net FAIL

with 2 comments

Uhm, ek glo nogal daarin dat mens in besigheid moet besef wat jy goed doen en daarop fokus. As jy bloot iets doen om iemand anders na te aap (sê maar Amazon.com), dan is jy nie besig om waarde toe te voeg nie, en kan jy jou besigheid waarskynlik eerder skade berokken.

Kalahari.net is duidelik nog besig om deur Recommendation Engines for Dummies se inhoudsopgawe te werk (kliek op die foto vir ‘n groter weergawe).

Written by George Maru

14 Februarie 2010 at 8:51

Posted in sommer net

Tagged with , , ,

D-dag kom nader

with 5 comments

Dinsdag 17 Junie word Firefox 3 bekendgestel. Firefox gaan probeer om ‘n nuwe Guinness wêreldrekord op te stel vir die meeste downloads in een dag – meer as ‘n miljoen. Meer as ‘n miljoen mense het reeds aangedui dat hulle gaan deelneem.

As jy nog wonder oor wat Firefox is, dit is ‘n webblaaier (browser) soos Internet Explorer. Net baie beter. In 2004 skryf Forbes.com dat Firefox die beste webblaaier is. In 2005 wys PC World dit as hulle produk van die jaar aan. Volgens CERT het Firefox minder sekuriteitsprobleme as Internet Explorer.

Jy kan Firefox in Afrikaans aflaai en die Afrikaanse speltoetser gebruik om spelfoute te korrigeer. Verder kan jy Firefox aanpas om by jou behoeftes te pas.

Firefox 3 bied ‘n verskeidenheid nuwe funksies, onder meer:

1. Een-kliek boekmerke

2. “Smart location bar” – wanneer jy begin om ‘n adres in te tik, raai Firefox waarna jy soek, gebaseer op plekke wat jy in die verlede besoek het. Dit help jou om adresse te vind wat jy nie meer so lekker onthou nie. Hoe meer jy dit gebruik, hoe beter raak dit. Dit sal byvoorbeeld werwe wat jy meer gereeld besoek prioritiseer en voorstel.

3. Dit is vinnig.

4. Per ongeluk jou webblaaier toegemaak? Firefox maak dit maklik om voort te gaan waar jy laas was.

5. Firefox het 5,000 add-ons. Laat Firefox by jou grille en giere aanpas.

6. Die Mac weergawe ondersteun nou Growl notifikasies.

Jy kan Firefox 3 Dinsdag hier aflaai.

En sommer vir die lekker, hier is ‘n musiekvideo van ‘n nuwe kunstenaar, Brendan James. Heerlike kaggelweer musiek.

Written by George Maru

15 Junie 2008 at 13:19

Posted in nuus

Tagged with , ,

Woohoo! The crazy ones

with 10 comments

Môre word jy gebore te midde van groot opgewondenheid. Mense sal na hulle asem snak. Hulle sal “oe” en “ah”. Hulle sal na jou kyk en begeer. Die media sal liries oor jou berig op CNN, BBC, in The New York Times, The LA Times, Washington Post en dalk selfs in Suid-Afrika.

Met watter byvoeglike naamwoorde sal ‘n mens jou beskryf? Intuïtief? Uitmuntend? Voortreflik? Die beste? Die gevorderdste?

Woorde beskryf jou so gebrekkig. Daar is nie ‘n ander soos jy nie.

Jy is die mooiste van alle katte.

Jy maak van my ‘n geek, ‘n fan boy, goeters wat ek nooit gedink het ek kon of wou word nie.

Kom Leopard, kom gou! Haas jou vinnig oor die waters na Afrika.

Written by George Maru

25 Oktober 2007 at 6:50

Posted in nuus

Tagged with , ,

Resistance is futile; you will be assimilated

with 6 comments

 

Teen 2027 behoort rekenaars mense in intelligensie verby te steek. Teen 2045 sal ons die “Singularity” bereik. Dit beteken dat tegnologie so vinnig sal ontwikkel dat suiwer biologiese wesens, soos die mens nou, nie meer sal kan verstaan nie.

Kurzweil meen ook dat daar ‘n tyd sal kom wanneer vituele seks beter en lekkerder as die ware Jakob sal wees. Oor 20 jaar sal rekenaars bewussyn hê.

Die era sal aanbreek wanneer ons en tegnologie sal saamsmelt – jou brein sal wemel van nanobots. Hierdie mens sal post-menslik wees. Kurzweil sien nie ‘n ander alternatief vir die mens as om saam te smelt met tegnologie in die toekoms nie.

Written by George Maru

24 Oktober 2007 at 6:38

Posted in nuus, wetenskap

Tagged with , ,