riviersonderend

Posts Tagged ‘kaapstad

2010: Is jy gereed?

with 10 comments

Ek sal erken dat ek nie ‘n groot sokker aanhanger is nie. Maar dan, ek is nie so ‘n groot sportsfan nie. Wel, ten minste nie nou nie, met die dat WP in ‘n rolbalklub verander het. Daar was selfs ‘n tyd wat ek gedink het ek gaan my uit die voete maak tydens die 2010 Wêreldbeker.

Nie meer nie! By die onlangse daknatmaak van die nuwe stadium in Kaapstad het ek die kans gehad om die stadium van nader te sien. Nou ja, ek weet ek was nog nie in al die bekendste stadiums in die wêreld nie, maar ek kan darem redelik praat van Suid-Afrika, insluitende Ellis Park, Loftus, Nuweland en Soccer City in Soweto. En ek wil beweer dat dit sonder twyfel een van die mooiste stadiums in die wêreld moet wees. As jy buite die stadium staan, kyk jy uit oor die Atlantiese oseaan. As jy binne sit aan die noordekant, loer Tafelberg vir jou.

‘n Paar feite oor hierdie wonderlike stadium:

  • Daar is plek vir 68,000 toeskouers.
  • Jy kan al 4 hoeke van die speelveld sien vanaf enige sitplek in die stadium.
  • Die stadium is so ontwerp dat as jy opstaan om na ‘n kiosk te gaan en in ‘n tou staan, jy steeds die speelveld kan sien.
  • Die dak het geen pilare wat dit ondersteun nie.
  • Dit het R 4.4 miljard gekos om die stadium te bou.
  • Die buitekant bestaan uit ‘n poreuse veselglasagtige kleed wat gebruik kan word om die stadium te kleur en soos ‘n lantern te laat gloei.

Dit is seker nie te veel gevra om te hoop vir ‘n U2 konsert in die stadium nie?

 

Advertisements

Written by George Maru

26 November 2009 at 21:05

Geluk Zille!

with 4 comments

Die burgemeester van Kaapstad, Helen Zille, is aangewys as 2008 se burgemeester van die jaar. Sy is eenparig verkies vir die internasionale City Mayors toekenning. Diegene wat vir haar gestem het, plaas haar in dieselfde kategorie as Nelson Mandela en Desmond Tutu en meen dat sy ‘n broodnodige rolmodel vir Suid-Afrikaners is.

Meer inligting hier beskikbaar.

Written by George Maru

13 Oktober 2008 at 20:47

Posted in nuus

Tagged with ,

Onlekker stuff en ‘n bietjie lekker

with 6 comments

Sonkind het my getag om 10 goed te noem wat my afpie. Ek hou dit kort, want ek glo dit het nie verduidelikings nodig nie.

1. Passiewe aggressie.

2. Skynheiligheid.

3. Microsoft Windows.

4. Wanneer mense nie ‘n opinie/mening wat jy lug aanspreek nie, maar eerder jou gratis psigo-analiseer en vertel hoekom jy dink en sê wat jy doen. (Daar is ‘n rede hoekom mens sielkundiges baie betaal.)

5. Wanneer mense nie weet hoe om die woord “fok” te gebruik nie.

6. Apatie.

7. Dom-astrantheid.

8. Restaurante wat onredelike mark-ups op hulle wyn het.

9. Japan, Noorweë en Ysland se walvisjag.

10. Drolle.

En nou, op ‘n positiewe noot: Kaapstad het in die vierde plek ingeskuif op die Monolopy bord, m.a.w. Kaapstad is nou een van die groen eiendomme. Die Moederstad het sopas Sydney, New York en Rome verbygesteek. Die volgende stad in Kaapstad se versier is Londen.

Maar net as jy gaan stem!

Nou!

Hier!

Written by George Maru

9 Februarie 2008 at 10:15

Posted in sommer net

Tagged with ,