riviersonderend

Dans! Dans! Dans!

with 4 comments

Nou ja, die groot gewag is verby. Jack Parow se video van Dans, dans, dans, is uiteindelik op die interwebs.

Dit is werklik al waarvan jy vandag op die internet hoef kennis te neem.

Viva Afrikaans, viva!

Advertisements

Written by George Maru

6 Mei 2010 at 19:08

Posted in afrikaans, musiek

Tagged with

Danksy iPad bly Noorweegse regering in beheer

with 3 comments

Tensy jy iewers in afsondering was die afgelope paar dae, sal jy weet dat daar algehele chaos in Europa is as gevolg van vulkaniese as wat van ‘n uitbarsting in Ysland afkomstig is.

CNN berig dat selfs leiers van lande geraak is:

The prime minister of Norway was among those stranded by the closure of European air space.

Jens Stoltenberg, who was in the United States for President Obama’s nuclear summit, is running the Norwegian government from the U.S. via his new iPad, his press secretary Sindre Fossum Beyer told CNN.

Die iPhone red mense in die Haïti aardbewing. Die iPad laat regerings staande bly.

Waarmee gaan Apple nie nog vorendag kom nie?!

Written by George Maru

15 April 2010 at 21:43

Posted in nuus

Tagged with , ,

Lilac Wine

with one comment

Nou ja, na Die Antwoord het ek gedink dat ‘n effense koersverandering in orde sal wees :). En aangesien die seisoen van wynfeeste op hande is (die Olyffees, die Wacky ens.), het ek gedink dit sal gepas wees om solank voorbrand te maak. En natuurlik, hoekom sal mens nou ‘n geleentheid laat verbygaan om ‘n Nina Simone song af te stof, al sal mens sekerlik haar nie assosieer met die uitbundigheid van ‘n Wacky nie?

Om na Nina te luister, is om huis toe te gaan. Soos die Wacky.

I lost myself on a cool damp night
Gave myself in that misty light
Was hypnotized by a strange delight
Under a lilac tree

Written by George Maru

2 Maart 2010 at 7:00

Posted in musiek

Tagged with ,

Soek jy Die Antwoord?

with 18 comments

Die Antwoord vind jy in die zeffifikasie van alles wat is. Die Antwoord vertrou op die ninja. Die Antwoord is nie Steve nie. Ook nie Kurt nie. Die Antwoord se hart klop nie tjoklits nie.

Jy sal nie Die Antwoord by die Huisgenoot Skouspel vind nie.

Besluit maar wat jy dink van Die Antwoord. Dit gebeur egter nie elke dag dat ‘n Afrikaanse groep se video op Youtube al meer as 1 miljoen keer bekyk is nie.

Written by George Maru

17 Februarie 2010 at 7:03

Posted in afrikaans, musiek

Tagged with

Kalahari.net FAIL

with 2 comments

Uhm, ek glo nogal daarin dat mens in besigheid moet besef wat jy goed doen en daarop fokus. As jy bloot iets doen om iemand anders na te aap (sê maar Amazon.com), dan is jy nie besig om waarde toe te voeg nie, en kan jy jou besigheid waarskynlik eerder skade berokken.

Kalahari.net is duidelik nog besig om deur Recommendation Engines for Dummies se inhoudsopgawe te werk (kliek op die foto vir ‘n groter weergawe).

Written by George Maru

14 Februarie 2010 at 8:51

Posted in sommer net

Tagged with , , ,

All hail the king

with 17 comments

Moses het van die berg afgekom en nie teleurgestel nie. Daar is nie woorde om die jongste tegnologiese wonderwerk te beskryf nie.

Ek hoop net die kontrak met uitgewers sluit Suid-Afrika hierdie keer in.

Totsiens Kindle. Jy het probeer.

Written by George Maru

28 Januarie 2010 at 7:25

Posted in nuus

Tagged with ,

Om in die gutters rond te grawe

with 11 comments

Wat is Rapport se probleem? Nog ‘n kind van Steve is iewers op die Vrystaatse vlaktes ontdek. Naas se seun by ‘n prostituut praat sy hart uit. En hoe groot is Joost se penis nou werklik? Of wag, wag: Is Frans Steyn nou gay of wat?

Kyk, ek het nie probleem wanneer joernaliste skynheiligheid ontmasker nie, soos in die geval van die dominee wat ewe vroom op ‘n Sondag een boodskap preek, maar in die week iemand anders is. As jy graag vir ander mense wil vertel hoe hulle moet leef, dan moet jy maar sorg dat jy lewe soos jy preek.

Maar Frans Steyn? Waarom mense wat bloot hulle drome najaag se lewens verongeluk omdat ‘n redakteur sy (of dan haar) kwartaalikse targets moet maak? Dit is nie ‘n groot geheim dat die Afrikaner een van die mees homofobiese volke (saam met mede-Afrikane) is op hierdie planeet nie. Gewone statistiek behoort mens ook te vertel dat daar top gay rugbyspelers moet wees in Suid-Afrika. Maar erken dit en Ras Dumisani staan ‘n beter kans om “Die Blou Bul” op Loftus te sing, as wat ‘n gay speler sal hê om ‘n Springboktrui oor sy kop te trek. Daarom dat spelers maar eerder in die kas bly.

Ja, ek weet, eintlik moet mens nie Rapport blameer nie. Die Afrikaner se algemene zefgeit  en ‘n siek beheptheid met ander se persoonlike lewens, stel publikasies soos Rapport instaat om nog te bestaan.

Tragies.

Written by George Maru

24 Januarie 2010 at 9:16

Posted in nuus

Tagged with